ඇති දේකුත් නැති, නැති දේකුත් නැති අමු මියුසික් කල්චර් එක
සංගීතය කියන්නෙත් කාලයේ තාලයට වෙනස්වන නිතර අත්හදාබැලීම්වලට ලක්වන ක්ෂේත්රයකි. සුභාවිත, ශාස්ත්රීය, රොක්, පොප් ආදී වශයෙන් විවිධ රටාවන් වැලඳගන්නා ප්රේක්ෂක පිරිස් අතර ස්වාභාවික සංගීතයට ඇලුම් කරන්නෝද වෙති. සුළඟ, වැස්ස, ගසකොළ සෙලවෙන හඬ, දියඇළි ගංගා ගලාබසින හඬ, සතුන්ගේ හඬ වැනි ඕනෑම ශබ්දයක් සංගීතයක් ලෙස සැලකිය හැකිය. සොබාදහම පුරාම විසිරී ඇත්තේ ස්වාභාවික සංගීතයයි.
ගීතය ද ස්වාභාවිකවම බිහිකළ හැකි බවට පර්යේෂණාත්මක අත්හදාබැලීම් කරමින් යන සංජීව් ලොන්ලියෙස් මේ දිනවල ප්රේක්ෂක අවධානයට ලක්වී ඇති සංගීතවේදියෙකි. කෘත්රීම හඬක් මුසුනොකර, කිසිදු වෙනසක් ද නොකර සජීවී ලෙස ප්රේක්ෂකයාට තම ගීතය සමීප කරන්නට වෙහෙසෙන ඔහු වෘත්තියෙන් රසායන විද්යාව ආචාර්යවරයෙකි. උගත් විද්යාව දැනුම ද කලාව හා මුසු කරමින් අමු මියුසික් කල්චර් ලෙසින් ඔහු මවන ඒ ගී රටාව දැන් දැන් ප්රචලිත වෙමින් පවතී. මේ ඔහු හා කළ කතාබහයි.
සාමාන්යයෙන් ස්ටුඩියෝ එකක සින්දුවක් වොයිස් කළාම ඒක ප්රේක්ෂකයාට අහන්න ලැබෙන්නේ එඩිට් කරලා. ඒ කියන්නේ කෑලි කපලා තැන් තැන්වලට බට් කරලා වෙනස් කරලනේ. එහෙමත් නැත්නම් කෘත්රිම හඬවල් එකතු කරලා. අමු සින්දු කියන්නේ එහෙම එඩිට් කිරීමක් නොකර සජීවී ලෙසම ඒ ගීත ප්රේක්ෂකයාට සමීප කරන එක. පසුගිය දා රිලීස් වුණ මගේ නිල් මැණික කියන අමු සින්දුවට මේ දවස්වල ගොඩක් ප්රේක්ෂක ප්රතිචාර ලැබෙනවා. ඒ කියන්නේ ඒකටත් දැන් ප්රේක්ෂකාගාරයක් සැකසෙමින් තියෙනවා කියන එකනේ.
අමු මියුසික් කල්චර් කියන එක හැදෙන්නෙ කොහොමද?
අමු මියුසික්වලදී යොදා ගන්නේ සීමිත සංගීත භාණ්ඩ ප්රමාණයක්. උපරිම ගිටාර් එකයි තව එකක් හෝ දෙකක් විතරයි. ගිටාර් එකේ සද්දෙයි, අපේ ලයිව් වොයිස් එකයි ඇරුණම කිසිම කෘත්රිම හඬක් මුසු නොකර කිසිම වෙනස්කමකට භාජනය නොකර ඒ විදිහටම අහන්න දෙන එක තමයි අමු මියුසික්වලින් කරන්නේ. ස්වාභාවික මිනිස් ස්වර තන්ත්ර සහ ස්වාභාවික තන්තු පටල කම්පනයෙන් එන සංඛ්යාත කිසිම වෙනස් කිරීමකින් හෝ තාක්ෂණික විපර්යාසයකින් තොරව ප්රේක්ෂකයා වෙත මුදාහැරීම තමයි අමු මියුසික් කල්චර් එකෙන් කෙරෙන්නේ. මෙතෙක් කල් මේ වගේ දෙයක් කවුරුත් කරලා තිබුණෙ නෑ.
අමු මියුසික් කල්චර් එකක් හඳුන්වා දීමේ අරමුණ මොකක්ද?
මෙහිදී ගීතයේ පද රචනය ගැනත් ඔබ සැලකිලිමත් වෙනවාද ?
ඇත්තටම ඔව්. බොහෝ දුරට ගීතයක තේරුම තමයි හදවත ග්රහණය කරගන්නේ. මේ ළඟදි මට ස්වීඩන්වල සේවය කරන ඩොක්ටර් කෙනෙක් කතා කළා. එයා මේක එයාගේ රෝගීන්ට නිදහසේ අහන්න දීලා, මානසික තෙරපි එකක් විදිහට යොදාගන්නවලු. ඕනෑම කෙනෙක් සින්දුවක් අහද්දී ඒකෙ අර්ථය එයාලගේ ජීවිතේට සම්බන්ධ කරගන්නවා. අන්න ඒ අවස්ථාවේදී තමයි මිනිස් සෛලවල අපි ඔය කියන කෙමිකල් චේන්ජ් එක සිද්දවෙන්නේ. ඒක කරන්න පුළුවන් වෙන්නේ සෛලවල හෝමෝන ස්රාවය වෙනස් කරලා. එතනදි මිනිස්සු ඒකට ඇඩිට් වෙනව නම් මේක හරි ලස්සන සින්දුවක් කියලා කියනවා නම් සාර්ථකයි. යම් යම් සංඛ්යාත පරාස යොදාගෙන ඒක තවදුරටත් සාර්ථක කරගන්න උත්සාහ කරනවා.
සංජීව් කොහොම ද එකපාරටම මේ වගේ දේකට යොමුවුණේ?
තවමත් තනිකඩව ගෙවන ජීවිතෙත් අමු මියුසික් එක්කම තනිවෙයි ද?
අපිත් යනවා දවසක ලී කූඩුවේ
එතෙක් විඳිමු අපි මේ ජිවිතේ ‘
කියලා මමම කියපු සින්දුවක් තියෙනවා. බැඳීම්වලින් ජීවිතේ කොටුකර ගත්තොත් නිදහසේ නිර්මාණයක් බිහිකිරිමේ ගැටලුවක් මතුවෙනවා. ඒ නිසා මහා ලොකු බැඳීම්වලින් හිරවෙන්නෙ නැතුව යාළුකම, ආදරය එක්ක ජීවිතේ හැම දෙයක්ම විඳිමින් නිදහසේ ජීවිතේ ගෙවනවා.
නාමලී ගමගේ
No comments:
Post a Comment